- тау артиллериясы
- (Горная артиллерия)
тауда іс-әрекет жасауға арналған жер үсті артиллериясының түрі. Тау артиллериясы қару-жарағы тау артиллериясы зеңбіректерінен (жеңіл зеңбіректер, келте зеңбіректер, минаатарлар) және тартқыштар тіркемелерімен, олардың кузовтарында алып жүретін, жүк көтеретін жануарлармен алып жүруге болатын реактивтік артиллерия қондырғыларынан тұрады. Т.а. XVIII ғасырдың аяғы — ХІХ ғасырдың басында пайда болды. Соғыстан соң қару-жараққа жаңа 76 мм-лік тау зеңбірегі жасалып қабылданды. Тау артиллериясы бірқатар шетел армияларында бар. (Мыс., герман, ағылшын, итальян армиялары 1956 жылғы үлгідегі итальяндық 105 мм-лік тау келте зеңбірегімен қаруланған).
Казахский толковый терминологический словарь по военному делу. — Мектеп.